Complemento Tema 4 (I): a planificación estratéxica

PLANIFICACIÓN ESTRATÉXICA.

Nace do campo militar e posteriormente aplícase a organizacións e empresas.

Implica determinar posicións futuras que a empresa debe acadar, identificando os obxectivos a longo prazo da empresa.

É un proceso dinámico que permite modificar un plan sobre a marcha para atender a circunstancias cambiantes.

(Está relacionada con contidos que se verán no tema 8: análise do entorno, as 5 forzas competitivas de Porter e a análise DAFO)

Complemento Tema 4 (II): TEORÍA MOTIVACIONAL BIFACTORIAL DE HERZBERG

Hai dous tipos de factores que inflúen na motivación:

os hixiénicos: de darse non provocan satisfacción, en cambio se faltan provocan insatisfacción. Constitúen por tanto a causa principal de descontento no traballo. Por ex.:
relacións co supervisor
condicións de traballo
relacións cos colegas
salario
vida privada
seguridade (contrato indefinido)


os motivacionais: de darse si provocan satisfacción, en cambio se faltan non provocan insatisfacción. Constitúen por tanto a causa primordial de satisfacción. Por ex.:
logro
recoñecemento
o traballo en si mesmo (que sea motivante)
responsabilidades
progreso
ascenso

Complemento tema 3

Tipos de empresas segundo o tipo de mercado:

Se nos referimos ao mercado xeográfico, cabería falar de empresa nacionais (de ámbito local, rexional ou estatal) e empresas multinacionais (que operan en varios países).

Pero se nos referimos ao mercado e ao número de oferentes, cabería falar de:

• Empresas monopolistas (por ex.: RENFE, Microsoft, Arriba en determinadas liñas de transporte por estrada).
• Empresas duopolistas (por ex.: na liña Coruña - Madrid no aeroporto da Coruña: Iberia e Spanair).
• Empresas oligopolistas (por ex.: gasolinas, telefonía móbil, electricidade).
• Empresas en competencia perfecta, moitas empresas con un produto homoxéneo (algúns produtos agrícolas).
• Empresas en competencia monopolística , moitas empresa con produtos diferenciados (a maioría dos produtos: deterxentes, bebidas, coches, cámaras, etc)